Home / أطباق رئيسية / طبيخة فول وجلبانة وخبز قمح دياري

طبيخة فول وجلبانة وخبز قمح دياري

الخبز :
كيل بكاس 225مل
كاس حليب
كاس ماء دافئ
كاس زيت
2 مغارف صغار ملح
2 مغارف ص سكر
2 مغارف ماكلة خميرة خبز
كاس فرينة
خلط كل هذه المكونات بالمكسور وخليهم يتخمرو في مكان دافئ
كيف يتخمرو زيد الخليط 3 كيسان قمح كامل و اعجن كان لقيت العجينة مازالت موش ملمومة كمل بالسميد او الفرينة على خاطر القمح وحدو يخلي الخبز يتفتفت
كيف تتلم العجينة ادهنها بالزيت وخليها تتخمر للمرة الثانية حتي يتضاعف حجم العجينة
واخيرا كيف تتخمر اصنع الخبز بالشكل الي تحب عليه ولف الخبزة في السميد من فوق وحطهم في الطبق شقهم للزينة
كان تحب رش سينوج او جلجلان او بسباس ….
وخلي الخبزات يتخمرو للمرة الثالثة
يتضاعف حجم الخبزة وتزيان
طيبهم في الفرن على 180° واخيرا شعل عليهم الفرن من فوق باش يحمار الخبز
وتاكلو بالشفاء
الطبيخة:
نقطع في الطنجرة :
حزمة سلق وحزمة معدنوس و2 سفناريا و2 لفت و2 رؤوس بصل كبار وكاس فول مصري وكاس ونصف جلبانة وكاس ونصف فول اخضر ومغرفة كبيرة طماطم معجونة ومغرفة كركم وزيت وفلفل اكحل
قلي الكل وامرق
زيد شوية فلفل مرحي
وغطي الطنجرة وخليها تشكشك وحدة وحدة باش تطيب بالباهي
في نصف الطياب زيدها البطاطا وكيف تشيح وتخثار وتقر زيتها ارمي قرينات فلفل ملاحي
الطبيخة ماتحبش الكوكوت وتحسها تطيب ولكن المطعم موش كيما تطيب وحدة وحدة
وشاهية طيبة

About admin

Check Also

سباقتي بغلال البحر

حط في المقلة راس بصل مفروم وزيت و3 كعبات طماطم مقطعين وتحركهم شوية وبعد تحط …

Laisser un commentaire

Votre adresse e-mail ne sera pas publiée. Les champs obligatoires sont indiqués avec *