Related Articles
نبداو بالشاربات نطيبوه و نخلوها تبرد مليح: كيلة ماء+نصف كيلة سكر+دوائر الليمون نحطوهم فوق النار يغلو عشر دقائق و نطفو (المقادير على حسب البسبوسة شحال تستحق لأنو لازم تتشرب مليح)
في اناء نضربو مليح 4حبات بيض+نص كاس سكر عادي، منبعد نضيفو الفانيليا+كاس زيت+كاس حليب+ليمون مبشور و نخلطوهم مليح، منبعد نزيدو ثلاث كيسان سميمدة و ثلاث اكياس خميرة كيميائية نكونو غربلناهم، و نضيفوهم تدريجيا و نخلطو بالفوي
ندهنو الصينية مليح بالزبدة و نحطو الخليط و ندخلوه يطيب في فرن مسخن مسبقا على 180°د، كي طيب نشربوها بشاربات تكون باردة، و نخلوها حتى تتشرب باش نقطعوها
امينة
