أطباق رئيسية

سلاطة ارز بالتن: قلي بصلة وصب عليها كاس روز و 2 كيسان ماء وغليهم في التيفال لين ينزح مع ملح وفلفل اكحل وزيجو شيوية معدنوس وغطيه ترجع عليه السخانة تحب تخليه صافي قارنيتور او زيدو التن والفاريانت والزيتون وجبن وطماطم وفلفل بر العبيد وتولي عندك سلاطة طاجين حبن بالدجاج: الطاجين …

تغلي الماء في طنجرة وفي طنجرة ثانية صب بزايد زيت زيتونة وحل فيه الملوخية وبعد حطها على نار هادية ودوبما تشكشك صب عليها الماء إلى يغلي وخليها على نار هادية تشكشك لين تخرج فقعات زيت ومن حين لآخر حرك ( 2 ساعات على الاقل ) تأخو اللحم وتفوحو بكعبة طماطم …

الشكشوكة : تقلي البيتنجال وحدها وبعد أقلي الفلف  ل بالملح والكروية في طنجرة تيفال تقلي الطماطم الخضراء والثوم المقطع وكيف تطيب تحط عليها الفلفل المقطع و الملح والكرويةوشوية فلفل مرحي وقطرات ماء وفقر العضم سلاطة روسية تصمت البطاطا والسفناريا والجلبانة في الماء والملح والكركم وبعد تسقطرهم وتفوح بالزيت الزيتون والفلفل الاكحل …

مقرونة بالقرنيطمقرونة بالقرنيط : تنظف القرنيط وتحطو في الماء ودوبما يهز الغلو خرجو وبعد قليه مع بصلة وزيت وطماطم معجونة وامرق وفوح بالملح والكركم وشوية بسباس وفلفل أكحل وفلفل مرحي ووريقة رند وارمي قرين فلفل أخضر وخليها تطيب وبعد اصمت المقرونة واقلي قرينات فلفل وزين الصحنات  

هذه المقرونة مستعجلة ، كل شيء في الماء نحط الماء والزيت واللحم والكركم والفلفل الاكحل وطماطم معجونة وطماطم شريحة ورأس ثوم مهرس مع التابل المفوح ووريقة رند وفلفل مرحي وكيف يطيب اللحم نصمت المقرونة ونسقيها عادي ونقلي الفلفل    

نقلي الدجاج وبصلة في الزيت و بعد نحط طماطم معجونة وطماطم شريحة وطماطم خضراء مقشرة ونقليهم الكل وبعد نزيد رأس كبير ثوم مهرس ونمرق وفلفل اكحل وفلفل مرحي وبسباس مرحي وكركم ورند واكليل مرحي وتبقى تطيب وحدة وحدة              

الصوص : تقلي بصلة كبيرة و4 طماطم وبعد تزيدهم طماطم معجونة ورأس ثوم مهرس مع بسباس ووريقة رند وملح وفلفل أكحل وكركم وفلفل مرحي ومغرفة هريسة حكة ، أصمت المقرونة ومعاها قطيرات زيت وبعد زين صحنك بالعضم المصموت والسلطة كان تحبها والزيتون والتن والجبن      

مقرونة بالمرقاز صمت الطماطم الخضراء وترحيها وفي طنجرة تقلي بصلة والمرقاز وبعد تزيد مغرفة طماطم معجونة وتقليها معاهم وبعد تحط الطماطم المرحية والكركم والثوم والتابل والملح وتمرق وتزيد الفلفل المرحي والرند والفلفل الاكحل وتخليها تغلي لين تطيب تصمت رطل مقرونة وتخلط      

تقلي بصلة صغيرة وزيدهم 2كعبات طماطم خضراء مقشرة وكيف يتقلاو تزيدهم طماطم معجونة وشوية طماطم شريحة وثوم وتابل مفوح وامرق وزيد فلفل مرحي وكركم وملح وفلفل اكحل وارمي قطعات اللمبوكة وخليها تغلي حتى تطيب وبعد اصمت المقرونة وخليها موش طايبة برشا وخلطها وتاكل بالشفاء    

ارحي بصلة صغير وصدر الدجاجة وبعد قليهم في شوية زيت وتزيدهم مغرفة طماطم معجونة ورأس ثوم ووامرق وفوح بالبسباس وشوية فلفل مرحي وفلفل اكحل وكركم وملح ووريقات رند وخلي الصوص تغلي لين تطيب ، وبعد صفي اللحم وحدو وكيف تصمت المقرونة خلطها بالصوص وحط اللحم من فوق أقلي قرينات فلفل …