Home / حلويات تقليدية وعصرية / مقروض السنة و العادة

مقروض السنة و العادة

مقروض السنة و العادة
كيلو سميد ارطب و 600غ فرينة 1/2 ل زيت مخلط شوية قطانيا و شوية زيتونة (تنجم تنقص شوية زيت و تعوضو بشوية زبدة ) شوية ملح و 1/3 باكو خميرة قاطو رطل تمر مرحي تخلط السميد و الفرينة و الملح و الخميرة و شوية كركم موش ياسر و تسخن الزيت و تصبو على الدقيق و تخلط حتى تحسو يتلم في اليد و تتركه يتشرب نصف ساعة و بعد تعجنو بالماء الدافي تصب بالشوية حتى يتلم و تولي عجينة لينة و تحط التمر مع شوية زيت و تسخنو و تفوحو بشوية قرفة و شوش ورد و شوية قشور برتقال مرحي و تعجنو مليح ثم تبدا تصنع المقروض تاخذ حفنة عجينة و من غير ما نعجنوها نعملو فتحة في الوسط و نحطو التمر بالطول على شكل عصية و نسكرو عليه العجينة و نكركبو حتى تتبرم و تجواد ثم نسطحوها شوية و نضغطو بالقالب و نقصو الكعبات قد بعضهم و انا ما عنديش قالب نزلت بسكينة عريضة و قصيت بقصاصة الباطاطا و تقلي في زيت سخون شوية و على نار ضعيفة و تخرجو محمر شوية و تشحرو و تغطسو في الجلجلان المقلي .الشحور رطل سكر عليه كاس ماء تحطو يغلي وقت يعمل فقاقيع تعصر 1/2 كعبة قارص و تجربو على الرخامة حتى يولي يتلصق و ماييبسش كيف يبرد.

 

8 9

About admin

Check Also

ليباناز باللوز

ليباناز باللوز الطبقة الاولى : تقريبا بات سابليه 100غ زبدة بحرارة الغرفة و6 مغارف كبار …

Laisser un commentaire

Votre adresse e-mail ne sera pas publiée. Les champs obligatoires sont indiqués avec *