الرافايالو و كعابر اللوز
admin
21 novembre 2016
حلويات تقليدية وعصرية
1,590 Views
ساهلين و مزيانين يتقدمو في العيد و كل وحدة تنجم تعملهم في دارها بنة و نظافة و ما يتكلفوش
كعابر جوز الهند أو الرافيالو: ترحي باكو بسكوي سيدة ارطب اللي يحب ما يحطش البسكوي و يحط البوفريوة مرحية وتزيدو 200 غ لوز مرحي و 50 غ جوز الهند و تخلط الكل بحليب نستلي و تحطو يبرد شوية في الثلاجة و بعد تشكل كعابر و تدهنهم بحليب النستلي و تتلفهم في جوز الهند و تعمل كعبة بوفريوة من الداخل او شطر كعبة من الفوق و تحطهم في الثلاجة .
كعابر اللوز تاخذ 300 غ لوز مرحي ارطب و عليه 3 مغارف سكر محور و تخلط بماء العطرشية بالعين حتى يتلم و تقسم العجينة على ثلاثة و تحط ملون متاع الحلو تسبغ اخضر و وردي و تخلي قسط أبيض و تشكل كعابر من الالوان الثلاثة وسطهم كعبة بوفريوة و بعد تكركبهم في السكر الاحرش و تحطهم في طبق يشيحو شوية و يتماسكو
