بشكوتو الطبقات بالتمر

خذيت 3 عضمات نحيت منهم فصّ وحطيتو في كأس على جنب ، وزدتهم 200 غ زبدة مذوبة و 1 فانيليا و150غ سكر محوّر وقطرات روح اللوز خلّطهم بالباهي بالمكسور وبعد زدتهم كيس خميرة قاتو وكملت العجن بالفرينة ( وتكون مغربلة ) وقسمت العجينة إلى جرئين ، التمر يكون مرحي تقريبا 300 غ وفوحو بالقرفة وشوش ورد . حل الجرء الاول من العجينة بالفرينة وحطو في الطبق وبعد حط طبقة ثانية من الدقلة المرحية ورش عليها شوية جلجلان مرحي وأخيرا حط الطبقة الثالثةوادهنها بأصفر البيضة إلى نحيتو مخلط بشوية نسكافيه وبعدكان تحب رش جلجلان أو اي نوع من الفاكية إلى عندك و حطو في الفرن ساخن على 170 ° ، وكيف يطيب ادهنو بالناباج وهو سخون وغطيه بمنديلة ثمّ بكيس بلاستيكي وخليه حتى يبرد باش تنجم تقصو ويجيك مسبوك مايتفتفتش