قلي البصل واللحم في الزيت وبعد تزيد طماطم خضراء وشوية طماطم معجونة وتمرق وتزيد فلفل أكحل وكركم  وتابل مفوح وملح والحمص يكون طايب وكيف قريب يطيب اللحم نقطع رأس بصل وكعبة طماطم ونرميهم في المرق وقرن فلفل اخضر وخليه لين تخثار المرقة وتقر زيتها تسربي في الصحنات وتزينهم بالبطاطا المقلية …

تغلي الماء وتعصر فيه كعبة قارص كاملة وبعد ارمي فيه الفول باش يبقى أخضر ومزيان وزيد ملح وبعد كيف يطيب سقطرو وحطو في الصحن وقطع عليه بصل ومعدنوس وفوح بالملح والفلفل الكحل وقارص وزيت زيتونة وبالطبع زيد عضيمة مصموتة وكان تحب تن وكبار اختياري

اصمت القرع والملح حتى ينزح تماما من الماء تقلي بصلة كبيرة بالباهي وتزيدها 5 كعيبات طماطم خضراء حتى تذبال بالباهي وتطيب زيدها 7 قرينات فلفل مقطعين والقرع المصموت وذوق الملح كان ناقص زيدها وشوي فلفل مرحي المهم ما تزيدش ماء يلزمها تكون شايحة باش ما تميص

تقص صرّة التن شرائح وبعد فوحهم بالملح والكركم وزيت وفلفل اكحل وشوية كمون واشويهم على نار هادية

رطل فرينة ،1 خميرة فورية ،مغرفة صغيرة ملح ، مغرفة زيت ، تعجن بالماء الدافئ ، الرطل يعمل 6 كعبات، نعملو العجينة وكيف تتخمر نقصمها على 6قطع ونحلهم وبعد نحطهم على الورق الخاص بالطبخ ونخليه يتخمر مرة ثانية وبعد نحطوه في الفرن  

نظف القرنيط وتحطو يتصمط بالباهي وكيف يطيب قطعو وزيد قطع فوقو طماطم خضراء جويدة وبصل وشوية معدنوس وفوح بالملح والفلفل الاكحل والقارص وقطيرات زيت زيتونة وزينها كيما تحب أنا هوني زدتها خس

الصلصة:قطع 2 بصلات وتقليهم وتزيدهم 5 كعيبات طماطم وتخليهم يتقلاو لين يطيبو بالباهي تزيدهم مغرفة طماطم معجونة وخليهم يزيدو يتقلاو وبعد زيدهم شوية ماء وملح ومغرفة هريسة عربي وفلفل مرحي ورسة فلفل اكحل وتاكلو بالشفاء  المرلون : نحي السلسول والراس وبعد فوحو بالملح والفلفل الكحل وتابل مفوح وكمون وخليه يبنان …

اصمط القرنيط 11 دق  في الماء باش ينحي الحمورية و تسقطرو و بعد تقلي بصلة و ترمي القرنيط و الطماطم و تقلي شوية و بعد تزيد 1/2 مغرفة صغيرة هريسة عربي و 3 سنون ثوم و و تفوح عادي بالفلفل اكحل و فلفل احمر و كركم و شوية تابل  و …

اصمت البندلاقة في الماء ومعاها العدس الفول الاخضر  وتخليها لين تنزح من الماء متاعها تقلي بصلة وكعبة طماطم خضراء وبعد تزيد طماطم معجونة وهريسة عربي وثوم وكروية وفلفل مرحي و2 قرينات فلفل اخضر وقديد جديد وتصب عليها البندلاقة المصموتة وبعد خليها تشكشك حتى تنزح تماما وكان تحب فقر عضم او …

اعمل خليط متكون من زيت واكليل وملح وكركم وكروية وفلفل أكحل وزنجبيل وقارص وتفوح بيه الاسكالوب وخليه يبنان ساعة على الاقل في الثلاجة وبعد لفو في الفرينة ثم البيض ثم الشابلور واقلي على نار هادية العجة : مغرفة طماطم معجونة ومغرفة هريسة حكة و4 سنات ثوم مقطعين جويدات صب عليهم …