مرقة ارنب باللوبيا

تصمت اللوبيا وحدها وبعد تفوحها بالملح والكركم وتسقطرها
الارنب :
يلزم تغسلها وتصب عليها شوية خل وقارص وبعد ماء ساخن وتبيتها تستقطر في الثلاجة معناها ماتطيبهاش في نهارها
المرقة :
تقطع بصلة كبيرة واللحم وكعبة طماطم خضراء مقشرة وتصب عليهم زيت زيتونة ودوبما تقليهم زيدهم مغرفة ماكلة طماطم معجونة وامرق
فوح بالملح والفلفل الاكحل والفلفل المرحي والبسباس المرحي والكركم وخليها تغلى لين تقر زيتها ويطيب اللحم ارمي كعيبات اللوبيا واطفي عليها
البطاطا :
قطعها موش كبيرة وفوحها بالملح والكركم واقليها على نار هادية باش تطيب وماتتحرقش وتبقى صفراء
وتاكلو بالشفاء