Related Articles
– croissant au beurre et pain au chocolat
500غ فرينة
– 70 غ سكر
– رشة ملح صغيرة
– 1 و نصف خميرة خبز
– 50 غ زبدة- للعجينة
1/4 ل حليب دافي
– 250 غ زبدة او جديدة للتوريق.
تخلط المكونات الكل فرينة +سكر+ ملح+ خميرة+ 50 غ زبدة -و تعجن بالحليب دافيءحتى تتلم ما تكونش طرية تكون كيف عجينة الخبز ما نعركوهاش -تخليها تخمر ساعتين و بعد تحلها دائرة و تحط على سطحها الـ 250 غ زبدة تكون باردة و يابسة موش سارية باش تطاوعنا في الحلان و نلف عليها العجينة تولي شكلها مربع نحلوها بالسياسة حتى يولي مستطيل و نلفوه كيف الporte – feuille و نحطوها في ساشي في الثلاجة 30 دق و بعد نعاودو نفس العملية 3 مرات كل نصف ساعة ( تحلها طولها 40 صم و تلفها على 3 ) باش تتورق العجينة . و في الاخر بعد ما ترتاح نصف ساعة و يطلع حجمها نحلو ها بالقلقال بالسياسة و كل ما نحلو نرشو شوية فرينة على الرخامة والا الطاولة باش ما تلصقش و نتحصلو على ورقة سمكها 1/2 صم نقصوها كيما في الصور و نقصولها الاحرف 1/2 صم على الاجناب باش يضهر التوريق كيما نشوفو في الصورة تكون تقريب عرض الورفة 18 صم نقصوها مثلثات و نعملو فتحة صغيرة في قاعدة المثلث باش يسهل شكل الهلال بعد ما تدورها نخليو الكعبات يرتاحو و يكبر حجمهم حكاية نصف ساعة وقبل ما ندخلوهم للفرن ندهنوهم بفص بيضة و مغرفة حليب مخلطين و يطيبو 30 دق على 180 ° من الحرارة .بشفاء راهو التفاصيل تظهر طويلة و معقدة أما صدقوني التطبيق اسهل بكثير ما فماش حتى عملية صعيبة و زيد كل عملية تتطلب 5 دق ننصحكم تجربوه
